„ღვინის კლასი“ არის მცირე, განვითარებადი ღვინის საწარმო წინანდლიდან, რომელიც 2023 წელს დაარსდა. ჩვენი საქმიანობა მოიცავს როგორც ტრადიციული კახური მეთოდებით, ისე თანამედროვე ტექნოლოგიებით ღვინის წარმოებას. ვმუშაობთ რამდენიმე მიმართულებით: კლასიკური ღვინო, ქვევრის ღვინო, კახურად დაყენებული ღვინო, პეტ-ნატი, ჭაჭა და ადგილწარმოშობის დასახელების ხაზები, როგორიცაა წინანდალი და ქინძმარაული.
ჩვენთვის მნიშვნელოვანია მრავალფეროვნება, სტაბილური ხარისხი და მომხმარებლისთვის ისეთი პროდუქციის შეთავაზება, რომელიც ავლენს ქართული მეღვინეობის სიღრმეს და უნიკალურობას.
„ღვინის კლასის“ მისიაა მაღალი ხარისხის, სანდო და ხელმისაწვდომი პროდუქციის შექმნა, სადაც ტრადიცია, პროფესიონალიზმი და თანამედროვე მიდგომები ერთიანდება. ჩვენი მთავარი მიზანია მომხმარებელს შევთავაზოთ ღვინო, რომელიც ცოდნისა და გამოცდილების შედეგია.
ჩვენ გვსურს, რომ „ღვინის კლასი“ მომავალში იქცეს ისეთ ბრენდად, რომელიც ადვილად იცნობა ხარისხით, მრავალფეროვანი ასორტიმენტით და მუდმივი განვითარებით. ვისწრაფვით, რომ ქართული ტრადიციული მეღვინეობა და ახალი ტექნოლოგიური შესაძლებლობები ორგანულად გავაერთიანოთ და შევქმნათ პროდუქცია, რომელიც როგორც ადგილობრივ, ისე საერთაშორისო ბაზარზე გამორჩეული იქნება.
ღვინის კლასის ვებ-საიტის სანახავად თქვენ უნდა იყოთ 18 წლის ან მეტი ასაკის. გთხოვთ, დაადასტუროთ თქვენი ასაკი
თქვენი წვდომა შეზღუდულია თქვენი ასაკის გამო.
